मासिक पत्रक मार्च २००९

॥श्री:॥
॥ ग्राहक हिताय ग्राहक सुखाय ॥ मासिक पत्रक मार्च २००९
मुंबई ग्राहक पंचायत
(गिरगांव विभाग)
ग्राहक बंधु-भगिनींनो,
सप्रेम नमस्कार.
• विभागीय मेळावा: रविवार दि. ८ फेब्रु. २००९ या दिवशी दुपारी ४.३० ते ७.३० या वेळात गिरगांव विभागांतील सर्व संघसदस्यांचा वार्षिक मेळावा स्वस्तिक लीग सभागृह, वि.प.रोड (दोन हत्तीजवळ) येथे झाला. प्रमुख पाहुणे श्री. चंद्रशेखर कुलकर्णी यांनी आपण सजग ग्राहक कसे असले पाहिजे हे अनेक उदाहरणे देऊन सांगितले. मुंबईवरील दहशतवादी हल्ल्याच्यावेळी अतुलनीय शौर्य दाखविणाऱ्या राष्ट्रपतिपदक विजेत्या चमूतील श्री. संजय गोविलकर, श्री. हेमंत बावधनकर आणि श्री. भास्कर कदम यांना मेळाव्यासाठी विशेष आमंत्रित केले होते. उपस्थित श्री. बावधनकर व श्री. कदम यांचा विभागाच्यावतीने अध्यक्षा सौ.वसुंधरा पेंडसे-नाईक यांच्या हस्ते सत्कार करण्यांत आला. अध्यक्षीय मार्गदर्शनानंतर कु. मीनल साठे यांचे कवितावाचन व “रंग कवितेचे” हा श्री.लळित यांचा बहारदार कार्यक्रम झाला. सौ.स्मिता घारपुरे यांच्या पसायदानगायनाने कार्यक्रमाची सांगता झाली. सर्व कार्यकर्त्यांचे मन:पूर्वक आभार.
• व्याख्यान: बुधवार दि. १८ फेब्रुवारी २००९ या दिवशी संध्या. ६.३० ते ८.०० या वेळांत आर्यन शाळेत “शेअरबाजार आणि ग्राहक” या विषयावर श्री.चवाथे यांचे व्याख्यान झाले. सट्टेबाजीमुळे भाववाढ कशी होते हे त्यांनी आपल्या भाषणांत सांगितले. व्यवहारसमाप्तीच्यावेळी प्रत्यक्ष वस्तूंची उपलब्धता कायद्याने अनिवार्य केल्यास नसलेल्या वस्तूंवर सट्टा खेळता येणार नाही व सट्टाबाजांच्यामुळे होणारी भावांतील चढ उतार टळेल; म्हणून ग्राहकहितासाठी मुंबई ग्राहक पंचायतीने प्रयत्न करावेत असे त्यांनी सुचविले.
• व्याख्यान: बुधवार दि. १८ मार्च २००९ या दिवशी संध्या. ६.३० ते ८.०० या वेळांत आर्यन शाळेत श्री. पुरुषोत्तम दत्तात्रय काळे यांचे “सोन्याचांदीची खरेदी आणि ग्राहक” या विषयावर व्याख्यान आयोजित करण्यात आले आहे. आपल्या मित्रमंडळींसह सर्वांनी अवश्य उपस्थित राहावे, ही विनंती.
• विभागाच्या साप्ताहिक बैठका नियमित झाल्या. गेल्या महिन्यांत कक्षात ६ तक्रारींना मार्गदर्शन करण्यात आले.
• आपल्या विभागाच्या १६व्या सवलत योजनेविषयी- नाश्त्याचे पौष्टिक पदार्थ श्री. रवींद्र सहस्रबुद्धे (२३८७२०६६) यांच्याशी संपर्क साधावा व लाभ घ्यावा, ही विनंती.
आपले नम्र

श्री. भालचंद्र नाईक. श्रीमती शकुंतला म्हात्रे.
कार्याध्यक्ष. कार्यवाह.
(दूरध्वनी: २३८६९२६०) (दूरध्वनी:२३८८८१८०)
आपल्या संकेतस्थळाला भेट द्या: http://mgpgirgaon.blogspot.com
प्रत-अ) अध्यक्षा सौ. वसुंधरा पेंडसे-नाईक.
आ) ग्राहक संघ प्रमुख__________________
इ) सहयोगी सदस्य___________________

गिरगांव विभागाचा १९वा वार्षिक मॆळावा

॥श्री:॥
मुंबई ग्राहक पंचायत
(गिरगांव विभाग)
मुंबई ग्राहक पंचायतीच्या गिरगांव विभागाचा १९वा वार्षिक मॆळावा रविवार दि. ८ फेब्रुवारी २००९ या दिवशी दु. ४.३०ते ७.१० या वेळांत स्वस्तिक लीग सभागृह, गिरगांव येथे श्रीम. वसुंधरा पेंडसे नाईक यांच्या अध्यक्षतेखाली झाला.
या मेळाव्यास सुमारे १०० सदस्य उपस्थित होते.
प्रमुख पाहुणे म्हणून लोकसत्ताचे उप निवासी संपादक श्री. चंद्रशेखर कुलकर्णी उपस्थित होते.


२६ नोव्हेंबर २००८ या दिवशी झालेल्या दहशती हल्याच्या वेळी अतुलनीय शौर्य दाखविणाऱ्या चमूतील राष्ट्रपती पदक विजेत्या तीन वीरांना या मेळाव्यास विशेष आमंत्रित केले होते. त्यापैकी श्री. संजय गोविलकर राष्ट्रपतींच्या मुंबईतील कार्यक्रमास उपस्थित राहणे आवश्यक असल्यामुळे या समारंभाला उपस्थित राहू शकले नाहीत. श्री. हेमंत बावधनकर व श्री. भास्कर कदम उपस्थित होते त्यांचा विभागाच्यावतीने सत्कार करण्यात आला.
कार्यक्रमापूर्वी शहीदांना आणि विभागातील दिवंगत कार्यकर्त्यांना श्रद्धांजली वाहण्यात आली.


प्रमुख पाहुणे श्री.चंद्रशेखर कुलकर्णी यांच्या हस्ते गणेशपूजन आणि दीपप्रज्वलन झाल्यानंतर श्रीमती स्मिता घारपुरे यांच्या ईशस्तवनाने कार्यक्रमाला सुरुचात झाली.
श्रीमती सविता चवाथे यांनी सूत्रसंचालन केले.
कु.मीनल साठे यांनी कवितावाचन केले.


त्यानंतर “रंग कवितेचे” हा बहारदार कार्यक्रम श्री.लळित यांनी सादर केला.
श्री. अभय दातार यांनी संबंधितांचे आभार मानले.