मासिक पत्रक ऑक्टोबर २००८

॥श्री:॥
॥ ग्राहक हिताय ग्राहक सुखाय ॥ मासिक पत्रक ऑक्टोबर २००८
मुंबई ग्राहक पंचायत
(गिरगांव विभाग)
ग्राहक बंधु-भगिनींनो,
सप्रेम नमस्कार.
• व्याख्यान: बुधवार दि. १७/०९/२००८ या दिवशी संध्या. ६.३० ते ८.०० या वेळांत आर्यन शाळा येथे श्रीम. अनुराधा नरसाळे यांचे “सामान्य ग्राहक आणि सरकार” या विषयावर व्याख्यान झाले.
• व्याख्यान: बुधवार दि. १५/१०/२००८ या दिवशी संध्या. ६.३० ते ८.०० या वेळांत आर्यन शाळा येथे श्री.सुरेन्द्र देवस्थळी यांचे “महाराष्ट्रातील किल्ले,गड आणि दुर्ग” या विषयावर व्याख्यान होणार आहे. सभासदांनी आपल्या मित्रमंडळींसह अवश्य उपस्थित राहावे.
• श्री. भालचंद्र अवधूत नाईक हे मुंबई ग्राहक पंचायतीच्या कार्यकारिणीवर ३ वर्षांसाठी सदस्य म्हणून १३४ मते मिळवून विजयी झाले. त्यांनी सर्व मतदारांचे मन:पूर्वक आभार मानले आहेत. कार्यकारिणीने त्यांची मुंबई ग्राहक पंचायतीचे कार्यवाह म्हणून एकमताने निवड केली आहे.
• मुंबई ग्राहक पंचायतीचे सन्माननीय अध्यक्ष गंगाधरराव गाडगीळ यांचे सोमवार दि. १५/०९/०८ या दिवशी दु:खद निधन झाले. बुधवार दि. १७/०९/०८ या दिवशी विभागाच्या वतीने त्यांना साप्ताहिक बैठकीच्यावेळी आर्यन शाळेत श्रद्धांजली वाहण्यात आली. या प्रसंगी बोलताना मुंबई ग्राहक पंचायतीला आर्यन शाळेने सुधीर फडके आणि गंगाधर गाडगीळ हे दोन सुपुत्र दिल्याचा उल्लेख त्या शाळेचे माजी विद्यार्थी आणि आपले कार्यकर्ते श्री. रवीन्द्र सहस्रबुद्धे यांनी केला.
• विभागाच्या साप्ताहिक बैठका नियमित झाल्या. गेल्या महिन्यांत ६ ग्राहकांना तक्रारीसंबंधात मार्गदर्शन करण्यांत आले. कक्षांत काम करू इच्छिणाऱ्यांनी कृपया संपर्क साधावा ही विनंती.
• दिवाळीनिमित्त मिठाई खरेदी करतांना ओळखपत्राद्वारे सवलत मिळवा. एकत्रित खरेदी आणि संघात वाटप करून अधिकाधिक लाभ मिळवा.
• बुधवार दि. २९/१०/२००८ या दिवशी बलिप्रतिपदेनिमित्त कामकाज बंद राहील. संबंधितांनी कृपया नोंद घ्यावी.
कळावे, लोभ वॄध्दींगत व्हावा.
आपले नम्र

श्री. भालचंद्र नाईक. श्रीमती शकुंतला म्हात्रे.
कार्याध्यक्ष. कार्यवाह.
(दूरध्वनी: २३८६९२६०) (दूरध्वनी:२३८८८१८०)
आपल्या संकेतस्थळाला भेट द्या: http://mgpgirgaon.blogspot.com

कृतज्ञता

ग्राहक बंधु भगिनींनो,
सप्रेम नमस्कार!

सर्व मतदारांचे मी मन:पूर्वक आभार मानतो.
निवडून आलेल्या उमेदवारांचे अभिनंदन!
"ग्राहक हिताय, ग्राहक सुखाय" आपण सर्वांनी सहकार्य करावे, ही विनंती.

लोभ वृद्धींगत व्हावा.
आपला नम्र,
भालचंद्र अवधूत नाईक.

निवडणुका २००८ निकाल

रविवार दि. ३१/०८/२००८ या दिवशी ग्राहक भवन, विलेपार्ले, मुंबई ४०० ०५६ येथे झालेल्या निवडणुकीत १८८ मतदारांनी भाग घेतला. खालील उमेदवार निवडून आले:

उपाध्यक्ष: श्री. विवेक पत्की.

कार्यकारिणी सदस्य(३ वर्षांसाठी)
१) श्री. शिरीष देशपांडे
२) श्री. भालचंद्र नाईक
३) श्री. सुभाष गंद्रे
४) श्री. शशीकांत साळवी

कार्यकारिणी सदस्य(१ वर्षांसाठी): सौ. अनुराधा देशपांडे.