मासिक पत्रक नोव्हेंबर २००८

॥श्री:॥
॥ ग्राहक हिताय ग्राहक सुखाय ॥ मासिक पत्रक नोव्हेंबर २००८
मुंबई ग्राहक पंचायत
(गिरगांव विभाग)
ग्राहक बंधु-भगिनींनो,
सप्रेम नमस्कार.
• ही दिवाळी आणि नूतन वर्ष आपणा सर्वांना सुखसमृद्धीचे आणि आनंदाचे जावो.
• व्याख्यान: बुधवार दि. १५/१०/२००८ या दिवशी संध्या. ६.३० ते ८.०० या वेळांत आर्यन शाळा येथे श्रीम. श्री.सुरेन्द्र देवस्थळी यांचे “महाराष्ट्रातील किल्ले,गड आणि दुर्ग” या विषयावर व्याख्यान झाले.
• व्याख्यान: बुधवार दि. १९/११/२००८ या दिवशी संध्या. ६.३० ते ८.०० या वेळांत आर्यन शाळा येथे श्रीम.सुप्रिया देवस्थळी-कोलते यांचे “मूल्यवर्धित करप्रणाली ग्राहकांच्या हिताची आहे का?” या विषयावर व्याख्यान होणार आहे. सभासदांनी आपल्या मित्रमंडळींसह अवश्य उपस्थित राहावे.
• श्रीम.नीलिमा भालचंद्र नाईक यांची मुंबई ग्राहक पंचायतीच्या खरेदी समितीच्या अध्यक्षपदी नियुक्ती झाली आहे. त्यांचे मन:पूर्वक अभिनंदन !
• ग्राहक भवन परिसरांतील गुलमोहर रस्ता आणि संत ज्ञानेश्वर मार्ग यांच्या कूपरजवळील चौकाचे मुंबई ग्राहक पंचायतीचे प्रणेते “मधुकरराव मंत्री चौक” असे नामकरण (स्मृतिफलकाचे अनावरण) माजी पेट्रोलियम मंत्री श्री. राम नाईक यांच्या शुभहस्ते बुधवार दि. २२ आक्टोबर २००८ या दिवशी स.११वा करण्यात आले. त्यानंतर सुधीर फडके सभागृह, ग्राहक भवन येथे झालेल्या हृद्य कार्यक्रमाला चांगली उपस्थिती होती.
• विभागाच्या साप्ताहिक बैठका नियमित झाल्या. गेल्या महिन्यांत ५ ग्राहकांना तक्रारीसंबंधात मार्गदर्शन करण्यांत आले. कक्षांत काम करू इच्छिणाऱ्यांनी कृपया संपर्क साधावा ही विनंती.
कळावे, लोभ वॄध्दींगत व्हावा.
आपले नम्र

श्री. भालचंद्र नाईक. श्रीमती शकुंतला म्हात्रे.
कार्याध्यक्ष. कार्यवाह.
(दूरध्वनी: २३८६९२६०) (दूरध्वनी:२३८८८१८०)
आपल्या संकेतस्थळाला भेट द्या: http://mgpgirgaon.blogspot.com
प्रत-अ) अध्यक्षा सौ. वसुंधरा पेंडसे-नाईक.
आ) ग्राहक संघ प्रमुख__________________
इ) सहयोगी सदस्य___________________