निवडणुका आणि सर्वसाधारण सभा २००८

मुंबई ग्राहक पंचायतीची २७ वी सर्वसाधारण वार्षिक सभा रविवार दि. ३१/०८/२००८ या दिवशी ग्राहक भवन येथे होणार आहे. त्या दिवशी दु. २ ते ४ या वेळांत विविध पदांसाठी निवडणुकाही होणार आहेत. त्या संबंधीची माहिती:
गट अ उपाध्यक्ष १ जागा (३ वर्षांसाठी) उमेदवार: १) चेंबुरकर प्रभाकर
२) पत्की विवेक
गट ब कार्यकारिणी सदस्य ४ जागा (३ वर्षांसाठी) उमेदवार: १) चेंबुरकर प्रभाकर
२) दाबके रामचंद्र
३) देशपांडे शिरीष
४) गंद्रे सुभाष
५) नाईक भालचंद्र
६) पसारकर संदीप
७) साळवी शशीकांत
गट क कार्यकारिणी सदस्य १ जागा (१ वर्षासाठी) उमेदवार: १) बापट दिलीप
२) चेंबुरकर प्रभाकर
३) देशपांडे अनुराधा

अकरा किंवा त्याहून अधिक सदस्य संख्या असलेल्या ग्राहक संघाचा संघप्रमुख अथवा त्याच्या अनुपस्थितीत त्याने प्राधिकृत केलेल्या त्याच संघातील अन्य सदस्य, तसेच कार्यकारिणीचे सर्व सदस्य आणि १५ सहयोगी सदस्यांनी निवडलेला एक प्रतिनिधी मतदानास पात्र असतील.
निवडणुकीच्यावेळी पूर्ण भरलेले निवडणूक मतदान अधिकार पत्र सादर करणे आवश्यक आहे.
कृपया मतदान करा आणि सर्वसाधारण वार्षिक सभेला उपस्थित रहा.

मासिक पत्रक सप्टेंबर २००८

॥श्री:॥
॥ ग्राहक हिताय ग्राहक सुखाय ॥ मासिक पत्रक सप्टेंबर २००८
मुंबई ग्राहक पंचायत
(गिरगांव विभाग)
ग्राहक बंधु-भगिनींनो,
सप्रेम नमस्कार.
· व्याख्यान: बुधवार दि. १७/०९/२००८ या दिवशी संध्या. ६.३० ते ८.०० या वेळांत आर्यन शाळा येथे श्रीम. अनुराधा नरसाळे यांचे “सरकार आणि सामान्य ग्राहक” या विषयावर व्याख्यान होणार आहे. सभासदांनी अवश्य उपस्थित राहावे.
· ग्राहकसंघनिर्मिती आणि तक्रार मार्गदर्शन कक्ष यांची माहिती देणारी पत्रके या बरोबरच पाठवीत आहोत. आपल्या परिचयातील लोकांना ती द्या. संघनिर्मितीसाठी प्रयत्न करा ही विनंती. अधिक पत्रके हवी असल्यास कळवा.
· श्री. भालचंद्र अवधूत नाईक हे मुंबई ग्राहक पंचायतीच्या कार्यकारिणीसाठी उमेदवार म्हणून उभे आहेत. रविवार दि. ३१/०८/०८ दुपारी २ ते ४ या वेळांत ग्राहक भवन, संत ज्ञानेश्वर मार्ग, विलेपार्ले (प) मुंबई ४०० ००४ येथे निवडणूक होणार आहे. संघप्रमुखांनी वा त्यांच्या प्रतिनिधींनी उपस्थित राहून अवश्य मतदान करावे, ही विनंती.
· विभागाच्या साप्ताहिक बैठका नियमित झाल्या. गेल्या महिन्यांत ४ ग्राहकांना तक्रारीसंबंधात मार्गदर्शन करण्यांत आले. कक्षांत काम करू इच्छिणाऱ्यांनी कृपया संपर्क साधावा ही विनंती.
· बुधवार दि. ३/९/२००८ या दिवशी गणेशचतुर्थीनिमित्त कामकाज बंद राहील. संबंधितांनी कृपया नोंद घ्यावी.
कळावे, लोभ वॄध्दींगत व्हावा.

आपले नम्र

श्री. भालचंद्र नाईक. श्रीमती शकुंतला म्हात्रे.
कार्याध्यक्ष. कार्यवाह.
(दूरध्वनी: २३८६९२६०) (दूरध्वनी:२३८८८१८०)
आपल्या संकेतस्थळाला भेट द्या: http://mgpgirgaon.blogspot.com