मासिक पत्रक फेब्रुवारी २००९

॥श्री:॥
॥ ग्राहक हिताय ग्राहक सुखाय ॥ मासिक पत्रक फेब्रुवारी २००९
मुंबई ग्राहक पंचायत
(गिरगांव विभाग)
ग्राहक बंधु-भगिनींनो,
सप्रेम नमस्कार.
• व्याख्यान: नियोजित वक्ते घरगुती अडचणींमुळे येऊं न शकल्यामुळे बुधवार दि. २१/०१/२००९ या दिवशी संध्या. ६.३० ते ८.०० या वेळांत आर्यन शाळा येथे ““रुग्णसेवा आणि ग्राहक” या विषयावर श्री. प्रभाकर नेने यांनी दिलेल्या मसुद्याच्या आधारे उपस्थित सभासदांनी चर्चा केली.
• संघप्रमुख शिबिर : रविवार दि. ११ जाने.२००९ या दिवशी दुपारी ३.३० ते ७.०० या वेळात गिरगांव विभागांतील संघप्रमुखांचे शिबिर स्वस्तिक लीग येथे झाले. या शिबिराला विभागीय अध्यक्ष सौ. वसुंधरा पेंडसे-नाईक उपस्थित होत्या. संघप्रमुख,संघसदस्य आणि अन्य मिळून ३५ उपस्थिती होती. या सभेला श्री. कमलाकर पेंडसे, सौ. वसुंधरा देवधर, सौ.कविता कुलकर्णी व सौ.नीलिमा नाईक यांनी संबोधित केले.
• व्याख्यान: बुधवार दि. १८ फेब्रुवारी २००९ या दिवशी संध्या. ६.३० ते ८.०० या वेळांत आर्यन शाळेत “शेअरबाजार आणि ग्राहक” या विषयावर श्री.चवाथे यांचे व्याख्यान आयोजित केले आहे. आपण सर्वांनी मित्रमंडळींसह अवश्य उपस्थित रहावे.
• विभागीय मेळावा: रविवार दि. ८ फेब्रु. २००९ या दिवशी दुपारी ४.३० ते ७.३० या वेळात गिरगांव विभागांतील सर्व संघसदस्यांचा वार्षिक मेळावा स्वस्तिक लीग सभागृह, वि.प.रोड (दोन हत्तीजवळ) येथे होणार आहे. बऱ्याच संघांनी शुल्क पाठविले आहे; त्यांचे मन:पूर्वक आभार. ज्यांनी अजून पाठविले नसेल त्यांनी कृपया प्रति सदस्य शुल्क रु. १५ गोळा करून संघश: श्री. सहस्रबुद्धे यांना फेब्रुवारीच्या बिलाच्यावेळी द्यावेत व कार्यक्रम यशस्वी करण्यास विभागाला मदत करावी.
• विभागाच्या साप्ताहिक बैठका नियमित झाल्या. गेल्या महिन्यांत कक्षात आलेल्या ग्राहकांना तक्रारीसंबंधात मार्गदर्शन करण्यांत आले. कक्षांत काम करू इच्छिणाऱ्यांनी कृपया संपर्क साधावा ही विनंती.
• या मासिक पत्रकाबरोबर मेळाव्याचे आमंत्रण, वार्षिक ताळेबंद आणि विशिष्ट सेवा माहितीपत्रक पाठवीत आहोत. कृपया आपल्या संघांतील सर्व सदस्यांना त्यासंबंधी माहिती द्यावी.

आपले नम्र

श्री. भालचंद्र नाईक. श्रीमती शकुंतला म्हात्रे.
कार्याध्यक्ष. कार्यवाह.
(दूरध्वनी: २३८६९२६०) (दूरध्वनी:२३८८८१८०)
आपल्या संकेतस्थळाला भेट द्या: http://mgpgirgaon.blogspot.com
प्रत-अ) अध्यक्षा सौ. वसुंधरा पेंडसे-नाईक.
आ) ग्राहक संघ प्रमुख__________________
इ) सहयोगी सदस्य___________________